✦𝕽𝖚𝖇𝖊́𝖓 𝕽𝖎𝖆𝖑✦さんのイラストまとめ

🍲Carnés, 1832. A Faguía é un festín que se celebra dende hai 400 anos na véspera de S. Cristovo. Hoxe en día, os callos son os protagonistas. Organizábase coas doazóns dos veciños, pero ía tanta xente sen pagar que fixeron unha cerca para deixar pasar só aos colaboradores.🍲

⛺️Paizás, Cambeda, 1809. Ingleses e franceses loitan en galicia. Organízanse grupos de guerrilleiros que queren expulsar ao exército francés. En Paizás están a reclutar xente, máis cando lles toca actuar, chegan tarde: Cee, Corcubión e outras vilas son saqueadas e incendiadas.

🏚️Pazo dos Lema, Berdoias, 1610. Alonso de Lema, vixía da Inquisición, manda construílo en 1607. El maila súa familia aproveitáronse do traballo dxs veciñxs. O lugar foi cambiando de mans. A xente de Berdoias estivo vivindo ate hai unhas décadas en casas que non eran súas.🏚️

⛪️Mosteiro de Baíñas, 1500's. Daquela poucos tiñan terras de seu. Os campesiños traballaban as leiras dos poderosos a cambio de darlles unha parte das colleitas e dos animais aos seus donos. En Baíñas houbo un mosteiro beneditino que controlaba a zona e recibía rendas dela.⛪️

🏛️Enterro de Victorinus, en Tines, 370 (hai 1650 anos). Onde hoxe está o cemiterio, houbo unha necrópole e unha vila romana duns ricachóns para os que traballaban escravos e campesiños. Os ricos traían unha nova moda, o cristianismo. Victorinus era un desos primeiros cristiáns.

🧺 O castro do Sino, en Castrelo, hai 2500 anos. As súas murallas protexían unha aldea construida nunha ladeira, rodeada de montes e un río. A romanización mudará a súa arquitectura coas casas cadradas; e a súa cultura, co latín, que se transformará en galego co paso do tempo. 🧺

🌕 Os petroglifos do Outeiro do Recosto, Boallo, graváronse durante o 2000/1000 a.n.e. (hai 4000 anos). Ninguén coñece o seu signifcado real, non hai lingua escrita que nolo explique. Tanto poden ser representacións de deidades ou constelacións, marcas territoriais ou rituais. 🌕

⚱️O dolmen de Pedra Cuberta, en Treos, construiuse hai 6000 anos (entre o 4000/3000 a.n.e.) como sepultura e lugar de culto dos mortos, que eran despedidos cunha cerimonia. Para a súa viaxe ao alén, deixábanlle preparados os mellores alimentos, ferramentas, armas, xoias...⚱️

1. Val de Vimianzo e entorno do castelo (s.XII)
2. Vista da fortaleza e dos seus elementos defensivos (s.XV)
3. Escudos das diferentes familias que foron propietarias das fortalezas.
4. Patio de armas, onde se realizaban distintas actividades (s.XV)

6 ilustracións que fixen para acompañar ás “Visitas Ilustradas”, unhas visitas guiadas ao castelo de Vimianzo que o Concello ofrece estes días para nenos de 3 a 8 anos de distintos colexios.

Tedes máis info sobre a actividade en @VimianzoTurismo